SƏTƏMM üzrə Təlim və İdarəetmə Koordinatoru

PAŞA Property Management “SƏTƏMM üzrə Təlim və İdarəetmə Koordinatoru" vakansiyası üzrə işə qəbul elan edir.

Ölkənin aparıcı daşınmaz əmlak idarəetmə şirkətlərindən biri olan PAŞA Property Management, Sizə karyera yolunda uğur qazanmaq və peşəkar komandada özünüzü inkişaf etdirmək imkanı təqdim edir. Biz, öyrənməyə meyilli, pozitiv düşüncəli və işinə yaradıcı yanaşan, motivasiyalı əməkdaşlar axtarırıq.

• SƏTƏMM üzrə giriş və digər təlimlərin təşkili və keçirilməsi;
• SƏTƏMM üzrə təlim ehtiyaclarının analizi aparılması və prioritet istiqamətlərin müəyyən edilməsi;
• İllik və rüblük təlim planının və təqviminin hazırlanması, icrasına nəzarət və optimallaşdırılması;
• Təlim materiallarının (prezentasiyalar, təlimatlar, prosedur izahları və s.) hazırlanması və mütəmadi yenilənməsi;
• SƏTƏMM üzrə statistik göstəricilərin toplanması, analizi və rəhbərliyə mütəmadi hesabatların təqdim edilməsi;
• E-learning və digər alternativ təlim alətlərinin tətbiqi;
• Təlimlərin effektivliyinin ölçülməsi (qiymətləndirmə, test, sorğu, performans göstəriciləri əsasında analiz);
• Təlim nəticələrinin rəhbərliyə hesabat formasında təqdim edilməsi;
• Daxili SƏTƏMM auditlərinin planlaşdırılması, həyata keçirilməsi və nəticələrinin idarə olunması;
• ISO 45001, ISO 14001 və digər müvafiq standartlara uyğunluğun təmin edilməsi və davamlı monitorinqi;
• Mövcud sistem üzrə GAP analizinin aparılması və düzəliş tədbirləri planının hazırlanması və icrasının izlənməsi;
• SƏTƏMM siyasət, prosedur, təlimat və metodologiyaların hazırlanması, yenilənməsi və tətbiqinə nəzarət;
• Risk qiymətləndirmə proseslərinə metodoloji dəstək, risk reyestrinin idarə olunması və yenilənməsi;
• Təhlükəsizlik mədəniyyətinin ölçülməsi və inkişaf proqramlarının icrası;
• Podratçı və üçüncü tərəflər üzrə SƏTƏMM uyğunluq qiymətləndirmələrinin aparılması;
• Təlim və SƏTƏMM idarəetməsi üzrə sənədləşmə, versiya nəzarəti və arxivləşmə sisteminin idarə olunması;
• Elektron sənəd dövriyyəsi və qeydiyyat sistemlərinin tətbiqi və nəzarəti;
• Xarici auditlərə, sertifikasiya yoxlamalarına və dövlət qurumlarının inspeksiyalarına hazırlıq və prosesin müşayiəti.

• Sahə üzrə minimum 8 il iş təcrübəsi;
• NEBOSH və ya ekvivalent sertifikat;
• ISO 45001, İSO14001 Lead auditor;
• Yerli SƏTƏMM qanunları və qaydaları, eləcə də beynəlxalq SƏTƏMM standartları üzrə yüksək səviyyədə biliklər;
• Güclü şifahi və yazılı ünsiyyət bacarıqları. İşçiləri SƏTƏMM mövzularında təlim keçmək bacarığı;
• Potensial təhlükələri müəyyən etmək, hadisələri araşdırmaq və effektiv düzəldici tədbirləri müəyyən etmək üçün analitik düşünmə bacarığı;
• Microsoft Office proqramlarında (Word, Excel, Outlook) sərbəst işləmə bacarığı;
• Azərbaycan, İngilis sərbəst ünsiyyət və yazışma bacarığı;
• Ətraf mühit üzrə sertifikat (üstünlükdür);