Müştəri xidmətləri təmsilçisi

Bu gün

2.4K

Qəbul, Marketinq və Kommunikasiya Bölməsinin müdirinin göstərişi əsasında həyata keçirilən marketinq fəaliyyətlərində və kampaniyalarında üzərinə düşən vəzifə və öhdəlikləri icra edir.
KİPİNA Uşaq Bağçasının tanıtım fəaliyyətlərini və tədbirlərini təsdiqlənmiş marketinq və kommunikasiya standartlarına uyğun şəkildə planlaşdırır və həyata keçirir.
Potensial valideyn bazasının müəyyənləşdirilməsi, formalaşdırılması və genişləndirilməsi işlərini həyata keçirir, onlarla ilkin və davamlı əlaqələr qurur.
Potensial valideynləri bağçaya dəvət edərək tanıtım görüşlərini və müəssisənin təqdimatını həyata keçirir; təhsil proqramları, xidmətləri və üstünlükləri barədə ətraflı məlumat verir.

Bütün kommunikasiya kanalları vasitəsilə (telefon, sosial media, elektron poçt, veb-sayt, elektron müraciət sistemi və s.) daxil olan müraciətləri və zənglərə nəzakətli və peşəkar şəkildə cavab verir.
Valideyn ön qeydiyyat formalarının hazırlanması və doldurulmasını təmin edir.
Yeni şagirdlərin qəbul prosedurlarına uyğun olaraq qiymətləndirmə və qəbul proseslərinin təşkilində iştirak edir.
Valideynlərin akademik məsələlərlə bağlı aidiyyəti rəhbərlərlə görüşlərinin təşkilini təmin edir.
Qəbul olunmuş uşaqların valideynləri ilə qeydiyyat şərtlərini dəqiqləşdirir, müqavilələrin hazırlanmasını təmin edir və maliyyə prosesləri üçün aidiyyəti bölmələrlə koordinasiyanı həyata keçirir.
Valideynlərə KİPİNA Uşaq Bağçasının daxili qaydaları, prosedurları və istifadə olunan platformalar barədə ətraflı məlumat verir.

Məktəbəqədər təhsil üzrə akademik direktor müavininin rəhbərliyi altında uşaqların təhlükəsiz şəkildə gündəlik qəbulu və təhvil verilməsi prosesini təşkil edir, müvafiq prosedurlara ciddi riayət olunmasını təmin edir.
Valideynlərlə məktəbəqədər təhsil bölməsi arasında operativ və effektiv kommunikasiya qurur; onların gündəlik müraciətlərini, şikayət və təkliflərini qəbul edərək aidiyyəti üzrə yönləndirir və nəticələrini izləyir.
Valideyn məmnuniyyətinin artırılması istiqamətində fəaliyyət göstərir, onlara göndərilən elan, bildiriş və digər məlumatlandırıcı materialların hazırlanmasına və çatdırılmasına dəstək verir.

İllik İş Təqviminə uyğun olaraq keçirilən bütün korporativ tədbirlərin (açıq qapı günləri, təqdimatlar, seminarlar, bayram tədbirləri, sərgilər və s.) planlaşdırılması, qeydiyyatı, kommunikasiyası və koordinasiyası işlərini həyata keçirir.
Tədbirlər və bağçada keçirilən görüşlər zamanı valideynlərin qarşılanmasını, məlumatlandırılmasını və aidiyyəti üzrə yönləndirilməsini təmin edir.
İllik iş təqvimində edilən dəyişiklikləri mütəmadi izləyir və fəaliyyətini buna uyğun planlaşdırır.

İnstitusional qaydalara uyğun olaraq, inzibati baxımdan Qəbul, Marketinq və Kommunikasiya Bölməsinin müdirinin, funksional baxımdan isə Məktəbəqədər təhsil üzrə akademik direktor müavininin verdiyi tapşırıqları icra edir.
Bütün dövri iclaslarda iştirak edir və öz fəaliyyət sahəsi üzrə qəbul edilmiş qərarların vaxtında icrasını təmin edir.
Daxil olan müraciətlər, sorğular və ziyarətlər üzrə, həmçinin fəaliyyət istiqaməti üzrə tələb olunan aylıq və illik hesabatları hazırlayaraq rəhbərliyə təqdim edir.
Gündəlik əməliyyat fəaliyyəti ilə bağlı məlumatları toplayaraq Məktəbəqədər təhsil üzrə akademik direktor müavininə təqdim edir.
Qeydiyyatdan imtina edən valideynlərlə bağlı məlumatları toplayır, imtina səbəblərini araşdırır və müvafiq hesabatlar hazırlayır.

KİPİNA Uşaq Bağçasının rəsmi elektron poçt ünvanını və digər kommunikasiya vasitələrini gündəlik izləyir, daxil olan məktub/sorğuların aidiyyəti şəxslərə vaxtında çatdırılmasını və yönləndirilməsini təmin edir.
Bütün fəaliyyətini daxili və xarici müştəri məmnuniyyəti və məlumatların məxfiliyi prinsipləri əsasında həyata keçirir, bağçanı öz sahəsinə uyğun olaraq peşəkarlıqla təmsil edir.
Digər bölmələrdən daxil olan sorğuların icrasına dəstək göstərir.
İş prosesinin axsaqlıqsız davam etməsi üçün satınalma ehtiyaclarını rəhbərliyə bildirir və istifadə etdiyi avadanlıqlardakı texniki nasazlıqlar barədə aidiyyəti bölmələri məlumatlandırır.
Rəhbərlik tərəfindən təsdiq edilmiş digər əlavə vəzifə öhdəliklərini icra edir.

Təhsil: Təhsil, Biznesin idarə edilməsi, Marketinq, Menecment, İqtisadiyyat və ya əlaqəli sahələr üzrə ali təhsil (üstünlükdür).
İş Təcrübəsi: Müştəri xidmətləri, qəbul, satış, marketinq və ya təhsil sahəsində iş təcrübəsi (üstünlükdür).
Dil Bilikləri: Azərbaycan dili – Mükəmməl (C2); İngilis dili – Minimum orta (B2); Rus dili – Minimum orta (B2).

Azərbaycan Respublikasının "Təhsil haqqında" və "Uşaq hüquqları haqqında" qanunları, eləcə də BMT-nin Uşaq Hüquqları Konvensiyasının əsas prinsipləri barədə məlumatlı olmaq.
Məktəbəqədər təhsil sahəsində müasir yanaşmaları, həmçinin müştəri xidməti və korporativ kommunikasiya prinsiplərini bilmək.
Fəaliyyət sahəsinə aid əmək qanunvericiliyi müddəaları, məlumat məxfiliyi, əməyin mühafizəsi, sanitar-gigiyena və yanğından mühafizə qaydaları barədə ümumi məlumata malik olmaq və onlara ciddi riayət etmək.

MS Office proqramlarından (Word, Excel, PowerPoint, Outlook) sərbəst istifadə bacarığı.
Elektron poçt, onlayn kommunikasiya platformaları və CRM sistemləri ilə işləmək təcrübəsi.
Məlumatların təhlili, peşəkar hesabatların və təqdimatların hazırlanması bacarığı.

Effektiv Kommunikasiya: Yüksək yazılı/şifahi ünsiyyət, təqdimat bacarığı, səbirlilik və nəzakətli davranış nümayiş etdirmək.
Müştəri Yönümlülük və EQ: Yüksək emosional zəka (EQ), daxili və xarici müştərilərlə peşəkar münasibətlər qurmaq və münaqişələri konstruktiv idarə etmək bacarığı.
İşin Təşkili: Vaxtın səmərəli idarə olunması, planlaşdırma, prioritetləşdirmə və eyni vaxtda bir neçə tapşırığı (multitasking) nəticəyönümlü idarə edə bilmək.
Peşəkar Yanaşma: Məsuliyyətlilik, yüksək etik davranış standartları, proaktivlik və inkişafa/yeniliklərə açıq düşüncə tərzi (Growth Mindset).

İş yeri: Kipina - İnşaatçılar filialı

İş saatları: 08:30-17:30