Lokomotivlərin və motorvaqonlu hərəkət heyətinin təmirdən qəbulu üzrə mütəxəssis

Azərbaycan Dəmir Yolları
Bakı, Azərbaycan
Tam ştat

Bu gün

Müraciət et

Təsvir

İstismardan qayıdan, nasaz vəziyyətdə olan, planlı və ya plandankənar təmirə daxil olan hərəkət vasitələrinin texniki vəziyyətinə nəzarəti həyata keçirmək, onların təmirə təhvil verilməsi və təmirdən qəbul olunması prosesini təşkil etmək;
Reysdən gəlmiş lokomotiv və motorvaqonlu hərəkət tərkibini qəbul etmək, hərəkət vasitəsinin texniki vəziyyətinə baxış keçirmək, aşkar olunmuş nasazlıqları müəyyən etmək və qeydiyyata almaq, nasazlıqlar barədə təmir sahəsinin aidiyyəti işçilərinə məlumat vermək, təmir işlərinin aparılması üçün təklif və göstərişlər vermək, TU-152 və digər aidiyyəti jurnallarda müvafiq qeydiyyat aparılmasına nəzarət etmək, hərəkət vasitəsinin təmirə düzgün təhvil verilməsini təmin etmək, təmir başa çatdıqdan sonra hərəkət vasitəsini texniki baxışdan keçirmək, aparılmış təmir işlərinin keyfiyyətini yoxlamaq, təhlükəsizlik cihazlarının, əyləc sisteminin, elektrik və köməkçi avadanlıqların sazlığını yoxlamaq, lokomotivin və ya motorvaqonlu hərəkət tərkibinin istismara yararlı olması barədə qərar vermək, aşkar olunmuş çatışmazlıqların aradan qaldırılmasını tələb etmək, qəbul edilmiş hərəkət vasitəsinin texniki sazlığına görə məsuliyyət daşımaq;
Təmirə verilən lokomotiv və motorvaqonlu hərəkət tərkibinin ilkin baxış və yoxlama işlərini həyata keçirmək, kuzov və arabacıqların vəziyyəti, təkər cütləri və əyləc avadanlıqları, təhlükəsizlik qurğuları (BLOK, VEPS, FALİ və s.), dartı və köməkçi avadanlıqlar, işıqlandırma və siqnal sistemləri, yağ, yanacaq və soyuducu maye səviyyələri, idarəetmə kabinəsinin, inventarın və yanğın təhlükəsizliyi vasitələrinin vəziyyəti, kənar səs, vibrasiya və nasazlıqların olub-olmamasını yoxlamaq;
Təmir başa çatdıqdan sonra görülmüş işlərin keyfiyyətini yoxlamaq, nasazlıqların tam aradan qaldırıldığına əmin olmaq, müvafiq sənədlərdə qeydiyyat aparmaq, hərəkət vasitəsini istismara qəbul etmək və ya əlavə təmirə qaytarmaq;
Azərbaycan Respublikasının Konstitusiyasını, texniki tənzimləmə sahəsində qanunvericiliyini, digər normativ hüquqi aktlarını, ADY-nin nizamnaməsini, Dəmiryol nəqliyyatının texniki istismar Qaydalarını, Dəmiryol nəqliyyatında qatarların hərəkətinə və manevr işinə dair Təlimatını, Dəmiryol nəqliyyatının siqnalizasiya Təlimatını, ADY-nin əmrlərini, sərəncamlarını, qüvvədə olan normativ-texniki sənədlərini, habelə bu Təlimatı rəhbər tutaraq funksiyalarını icra etmək;
Texniki baxışın düzgün aparılmasına, sənədləşmənin düzgünlüyünə, aşkar olunmuş nasazlıqların vaxtında qeyd edilməsinə, istismara qəbul edilən hərəkət vasitəsinin texniki sazlığına görə məsuliyyət daşımaq.

Tələblər

Təhsil səviyyəsi: Orta ixtisas (Müvafiq sahə üzrə);
İş təcrübəsi: Müvafiq sahə üzrə ən az 3 il;
Xarici dil: Rus dili - orta;
MS Office - yaxşı;
Məlumatların idarə edilməsi;
Dəmiryol nəqliyyatının texniki istismar qaydalarına dair biliklər;
Dəmiryol nəqliyyatında qatarların hərəkətinə və manevr işinə dair təlimatlar barədə biliklər;
Dəmir yolu nəqliyyatında hərəkətin təhlükəsizliyinə dair təlimatlar, normativ hüquqi aktlar, metodiki və normativ sənədlər üzrə biliklər;
Qurğuların və hərəkət heyətinin əsas texniki vasitələrinin quruluşu və istismar qaydaları üzrə biliklər.