Baş mühasib

Baş mühasib

“City finance” Bank Olmayan Kredit Təşkilatı MMC Baş mühasib vakansiyasını elan edir.

BOKT 2014-cü ildən Azərbaycan Respublikası Mərkəzi Bankı tərəfindən verilmiş lisenziya əsasında fəaliyyətə başlayaraq müxtəlif növ kreditlərin verilməsi xidmətini göstərir. “City Finance” uzun müddətli və aşağı faiz dərəcəli kredit təklifləri ilə bərabər rahat ödəmə üsulları da təklif edir. Şirkətin iş prinsipini müştəriyə yönəlik fəaliyyət, yüksek keyfiyyətli və daha sərfəli şərtlərlə xidmət etmək təşkil edir.

Vəzifə öhdəlikləri:

• “Mühasibat uçotu haqqında” Azərbaycan Respublikasının Qanununu, Maliyyə Hesabatlarının Beynəlxalq Standartlarını və bu standartlara əsasən mühasibat uçotunun aparılması qaydalarını, maliyyə, vergi və digər hesabatların tərtib edilməsi qaydasını bilməli;
• Daxil olan pul vəsaitlərinin, mal-material ehtiyatlarının və əsas vəsaitlərin tam uçotu və onların hərəkəti ilə bağlı əməliyyatların vaxtında mühasibat uçotunda əks etdirilməsini təmin etmək;
• Müəssisə tərəfindən həyata keçirilən bütün təsərrüfat əməliyyatlarının mühasibat uçotu hesabında (həmçinin uçotu registrlərində) düzgün əks etdirilməsini təmin etmək;
• İlkin mühasibat sənədlərinin, hesablaşmaların və ödəniş öhdəliklərinin icra edilməsinə nəzarət sisteminin qurulması;
• Bank hesabları üzrə ödənişlərin həyata keçirilməsinə nəzarət edilməsi;
• Debitor və kreditor borcların uçotunun aparılması;
• Kreditor və debitorlar ilə üzləşmələrin aparılması;
• Əmək haqqı, məzuniyyət və ezamiyyənin hesablanması;
• Gəlir və xərclərin uçotunun aparılması;
• Vergi risklərinə nəzarət olunması və bununla bağlı müvafiq tədbirlərin görülməsini təmin etmək;
• Vergi orqanına hesabatların hazırlanması və təqdim edilməsi (Vahid bəyannamə,ÖMV,ƏDV)

• Peşəkar mühasib sertifikatının (PMS MHBS) olması mütləqdir;
• Mühasibat uçotu üzrə beynəlxalq sertifikatların mövcudluğu (ACCA ,F3 və s.);
• Təhsil pilləsi (minimum): Bakalavr
• Təhsil ixtisası: Mühasibatlıq, maliyyə və ya iqtisadiyyat üzrə;
• İş təcrübəsi (minimum): Müvafiq sahə üzrə ən az 2 il (Maliyyə qurumlarında, bank sahəsində təcrübəsi olanlara üstünlük veriləcək);
• Kompüter bilikləri: Peşəkar səviyyədə Microsoft office proqramları (əsasən Excel).

Əlavə məlumat

• 5 günlük iş qrafiki: 09:00 – 18:00
• Əmək haqqı: Müsahibə əsasında