Risk və Biznes Prosesləri üzrə menecer AFİ qrup üçün ümumilikdə risk idarəetməsi və biznes proseslərinin nəzarətinə və təkmilləşdirilməsinə cavabdehdir. Bu rol potensial riskləri müəyyən etmək, onları azaltmaq üçün strategiyalar hazırlamaq və biznes proseslərinin effektiv, uyğun və şirkətin strateji məqsədlərinə uyğun olmasını təmin etməkdən ibarətdir. Eyni zamanda qrupun vahid biznes proses toplusunun korporativ idarəetmə standartlarına uyğun tənzimlənməsini, risk idarəetmə təşəbbüslərinin inkişafını təmin etmək məqsədi ilə güclü analitik bacarıqlar, diqqət və müxtəlif funksiyalar arası konstruktiv əməkdaşlıq etməyi tələb edir.
1. Risk idarəetməsi üzrə
- Qrupun fəaliyyətinə və məqsədlərinə təsir göstərə biləcək potensial riskləri müəyyən etmək, qiymətləndirmək və prioritetləşdirmək. (Maliyyə risklərini əhatə etməklə)
- Risk idarəetmə strategiyaları, siyasətlər və prosedurlar hazırlamaq, həyata keçirmək.
- Risk idarəetmə proseslərinin effektivliyini izləmək və hesabat vermək, həmçinin tənzimləyici tələblərə uyğunluğu təmin etmək.
- Daimi risk qiymətləndirmələri və auditlər aparmaq, yeni ortaya çıxan riskləri müəyyən etmək və onların aradan qaldırılması üçün tədbirlər tövsiyə etmək.
- Müxtəlif şöbələrlə, daxili audit komandası ilə əməkdaşlıq edərək risk idarəetmə təcrübələrini digər struktur bölmələrin gündəlik əməliyyatlarına inteqrasiya etmək.
2. Biznes proseslərin idarəetməsi, daxili nəzarət üzrə
- Cari biznes prosesləri və iş axınlarını analiz etmək və təkmilləşdirmə sahələrini müəyyən etmək, qrupun və qrupdaxili şirkətlərin vahid biznes proses toplusunun korporativ idarəetmə standartlarına uyğun tənzimlənməsini təmin etmək.
- Effektivliyi artıran, xərcləri azaldan və ümumi performansı yaxşılaşdıran yeni biznes prosesləri dizayn etmək, sənədləşdirmək və tətbiq etmək.
- Sənədləşdirilmiş mövcud biznes proseslərin və ya faktiki proseslərin təşkilatın strateji məqsədlərinə uyğun olmasını təmin etmək üçün maraqlı tərəflərlə yaxından əməkdaşlıq etmək.
- Siyasətlər, prosedurlar və təlim materialları daxil olmaqla, proses sənədlərini təhlil etmək, təkmilləşdirmək, yenilərini hazırlamaq və mühafizəsini, ötürülməsini təqdim etmək.
- Lean, Six Sigma və ya BPM (Biznes Proses İdarəetməsi) kimi metodologiyalardan istifadə edərək proses təkmilləşdirilməsi layihələrində çarpaz funksional komandalara rəhbərlik etmək.
Ümumilikdə
- Bütün biznes proseslərinin müvafiq qanunlar, qaydalar və sənaye standartlarına uyğun olmasını korporativ hüquq və komplayns komandası ilə birgə təmin etmək.
- Risk idarəetmə fəaliyyətləri və biznes proseslərinin təkmilləşdirilməsi barədə mütəmadi hesabatlar hazırlamaq və təqdim etmək.
- Daxili və xarici auditlərdə zəruri sənədlər və məlumatlar təmin etməklə dəstək olmaq.
- Əməkdaşlara risk idarəetməsi və biznes proseslərinin ən yaxşı təcrübələri ilə bağlı təlimlər və istiqamətlər vermək.
- Təşkilatda davamlı təkmilləşmə və risk haqqında məlumatlılıq mədəniyyətini inkişaf etdirmək.