Elektrik mühəndisi (Balakən)

"AzərYem Sənaye MMC"-nin Balakən müəssisəsi üçün zavodun və infrastrukturun elektrik, eləcə də mühafizə sistemlərinin kəsintisiz və təhlükəsiz işləməsini təmin edəcək peşəkar Elektrik Mühəndisi axtarışındayıq. Bu vəzifə həm yüksək gərginlikli avadanlıqların istismarına birbaşa nəzarəti, həm texniki baxış komandasının idarəedilməsini, həm də enerji səmərəliliyinin artırılmasına yönəlmiş layihələrin təhlilində iştirakı əhatə edən məsuliyyətli bir roldur.

Əsas Vəzifə Öhdəlikləri:

Sistemlərin İstismarı və Nəzarət:

• Elektrik sistemlərinin texniki sazlığının təmin olunması və istismar dövründə yaranan problemlərin operativ aradan qaldırılması.
• Yüksək gərginlik və yüksək cərəyan qurğularının, eləcə də ümumi elektrik sistemlərinin illik texniki istismara yararlılığını təmin etmək məqsədilə texniki müayinə, sınaq və təmir işlərinin düzgün təşkili.
• Quraşdırma, təftiş, təmir işlərinə, nasazlıqların aradan qaldırılmasına və binaların, infrastrukturun, müəssisə avadanlıqlarının gündəlik texniki baxışına nəzarət etmək.

Zəif Axın və Mühafizə Sistemləri:

• Zəif axın mühafizə sistemlərinin (yanğın xəbərverici və avtomatik yanğınsöndürmə sistemləri, oğurluq əleyhinə mühafizə sistemləri) texniki sazlığının qorunması.
• Bu sistemlərin istismar müddətində daimi yararlılığının təmin edilməsi üçün servis xidmətlərinin işinə nəzarət və kordinasiya.

Komanda İdarəetməsi və Analitika:

• Texniki baxış üzrə məsul əməkdaşların (texnik və ustaların) işini planlaşdırmaq, prioritetləşdirmək, vəzifə bölgüsü aparmaq, onlara nəzarət etmək və zərurət olduqda əməliyyatlarda birbaşa iştirak etmək.
• Əməliyyat və istismar xərclərinin, kapital dəyişdirilməsi xərclərinin azaldılması və enerji istehlakının məhdudlaşdırılması (optimallaşdırılması) məqsədilə layihələrin təhlili proseslərində iştirak etmək.

Namizədə dair Tələblər:

• Təhsil: Ali texniki təhsil (Elektrik mühəndisliyi, Elektroenergetika və ya əlaqədar sahələr üzrə).
• Təcrübə: Elektrik mühəndisi vəzifəsində (tercihən istehsalat/sənaye müəssisələrində) minimum 3–5 il iş təcrübəsi.
• Peşəkar Biliklər:
• Elektrik sistemlərinin quruluşu, texniki istismarı və təmiri sahəsində dərin nəzəri və praktiki biliklər.
• Yüksək gərginlik və yüksək cərəyan qurğularının istismarı üzrə xüsusi praktiki bacarıqlar.
• Şəxsi Keyfiyyətlər: Liderlik və komanda idarəetmə bacarığı, analitik düşüncə, istehsalat mühitində operativ qərarvermə qabiliyyəti və təhlükəsizlik qaydalarına yüksək diqqət.