Anbar müdiri (Sabirabad)

• Anbar sahələrindən səmərəli istifadə, materialların axtarılmasının asanlaşdırılması və tezləşdirilməsi nəzərə alınmaqla anbarda malların qəbulu, yerləşdirilməsi və buraxılması işlərinə nəzarət etmək;
• Anbarda mal və materialların müvafiq sistem və ardıcıllıqla, növlərinə görə yığılması və yerləşdirilməsinə nəzarət etmək;
• Bütün mal dövriyyəsinin yalnız təsdiq edilmiş sənədlər əsasında həyata keçirilməsini təmin etmək, istisna hallar barədə dərhal mühasibatlığı məlumatlandırmaq;
• Anbardan malların yalnız şirkət rəhbərliyi tərəfindən təyin edilmiş maddi məsul şəxslərə verilməsinə nəzarət etmək;
• Köhnəlmiş, zərər görmüş və xarab olmuş mal və materialları müəyyənləşdirmək və onlar barədə müvafiq izahatı mühasibatlığa təqdim etmək;
• Anbar əməliyyatlarının uçotu və hesabatlarının aparılmasına rəhbərlik etmək;
• İlkin uçot sənədlərinin qəbulunu həyata keçirmək və onları uçota hazırlamaq;
• Aylıq balans hesabatlarının və izahlı əlavələrin hazırlanmasına, düzgünlüyünün yoxlanmasına və mühasibatlığa təqdim edilməsinə nəzarət etmək;
• Rüblük anbar sayımlarını təşkil etmək;
• Malların anbara qəbulu, mühafizə olunmuş şəkildə kateqoriyalara uyğun rəf kodlarına düzgün yerləşdirilməsi və lazım olan avadanlıq, inventar və s. vasitələrin təcili axtarılmasının asanlaşdırılmasına rəhbərlik etmək;
• Rəsmiləşdirmə qaydalarına və mədaxil-məxaric sənədlərinin təhvilinə riayət olunmasını təmin etmək və müəyyən olunmuş hesabatın tərtibinə nəzarət etmək;
• Anbarda təhlükəsizlik texnikası, yanğından mühafizə və istehsalat sanitariyası qaydalarına əməl edilməklə yükləmə-boşaltma işlərinin aparılması, malların mühafizəsi və vaxtında ünvana qaytarılmasına nəzarət etmək;
• Anbara daxil olan malların qəbulu, uçotu və çıxarılması işlərini yerinə yetirmək;
• Həm şöbə daxilində, həm də şirkətin digər şöbələri ilə sənədləşmənin təmin edilməsinə nəzarət etmək;
• Anbar təsərrüfatı üzrə istehsal proseslərinin, əməyin təşkili və əmək şəraitinin öyrənilməsi, əmək məhsuldarlığının artım ehtiyatlarının aşkar edilməsi işlərinə rəhbərlik etmək;
• Anbarlarda və sahələrdə iş vaxtından istifadənin yaxşılaşdırılması, əməyin fənd və metodlarından istifadə, ağır fiziki əməyin aradan qaldırılması, iş şəraitinin yaxşılaşdırılması və əməyin elmi təşkilinin bütün istiqamətlərindən istifadə edilməsi işlərini təşkil etmək;
• Mədaxil-məxaric sənədlərinin tərtib olunması və təhvil verilməsi qaydalarına riayət olunmasını, həmçinin hesabatların düzgün aparılmasını təmin etmək.

Təhsil:

• Ali təhsil mütləqdir;
• İqtisadiyyat, maliyyə, mühasibatlıq və ya logistika sahəsində ixtisaslaşmış ali təhsilə üstünlük verilir.

Sertifikatlar (üstünlük hesab olunur):

• Maliyyə, mühasibatlıq, audit və logistika sahələri üzrə beynəlxalq və yerli sertifikatlar:
• ACCA (Association of Chartered Certified Accountants);
• CIMA, MOSE, CIA, və s.;
• Audit və daxili nəzarət üzrə peşəkar ixtisasartırma kursları;
• Anbar idarəetməsi və logistika üzrə beynəlxalq və lokal təlim və sertifikatlar (məs., Warehouse Management, Inventory Control, Supply Chain Fundamentals və s.).

Dil bilikləri:

• Azərbaycan dili – səlis (yazılı və şifahi);
• Rus dili – yaxşı səviyyədə;
• İngilis dili – bilməsi üstünlükdür (xüsusilə texniki sənədlər və sistem interfeysləri üzrə anlayış səviyyəsində).

Kompüter bilikləri:

• MS Office proqramları üzrə yüksək istifadə bacarığı (xüsusilə Excel – formulalar, pivot cədvəllər, analitik alətlər);
• 1C proqram təminatı üzrə iş təcrübəsi (versiyalar: 7.7 və 8.2);
• Elektron sənəd dövriyyəsi sistemləri və ERP platformaları ilə işləmək bacarığı üstünlükdür.

Peşəkar sahə bilikləri və bacarıqlar:

• Mühasibatlıq və maliyyə əməliyyatları sahəsində biliklər və müvafiq iş təcrübəsi;
• İdarəetmə bacarıqları – anbar komandalarının təşkili, nəzarət və performansın ölçülməsi sahəsində səriştəlik;
• Logistika və təchizat zənciri sahəsində ümumi biliklərin və praktiki yanaşmanın olması;
• Anbar uçotu və inventar idarəçiliyi üzrə praktik təcrübə (məhsulun hərəkətinin izlənməsi, qalıq uçotu və hesabatlılıq);
• Mal-materiallar və ehtiyat hissələri üzrə anlayış və kateqoriyalar üzrə sistemləşdirilmiş biliklər;
• Stok idarəetməsi metodologiyaları üzrə biliklər – FIFO, LIFO, JIT və s.;
• Anbar qalıqlarının dövriyyəsi və optimallaşdırılması üzrə təhlil aparmaq bacarığı;
• İşçi və iş prosesi təhlükəsizliyi – yanğın təhlükəsizliyi, istehsalat sanitariyası və əmək gigiyenası qaydalarına dair biliklər;
• Komanda idarəetməsi – işçilərin motivasiyası, təlim və inkişaf planlarının hazırlanması, performansın qiymətləndirilməsi və nəticə yönümlü komanda quruculuğu bacarığı.

Şəxsi keyfiyyətlər və bacarıqlar:

• Analitik düşüncə və problem həll etmə bacarığı;
• Məsuliyyətli yanaşma və təşəbbüskarlıq;
• Güclü təşkilatçılıq və vaxtın idarə olunması bacarığı;
• Stresə davamlılıq və çevik iş mühitinə uyğunlaşmaq bacarığı;
• Şirkət daxilində digər bölmələrlə əməkdaşlıq və koordinasiya qurmaq bacarığı.