Məhkəmə - hüquq şöbəsinin Hüquqşünası

Unibank Kommersiya Bankı
Bakı, Azərbaycan
Tam ştat

10-03-2025

863

Bağlanılıb

Təsvir

İcraatına daxil olan işlərin Bankdaxili korporativ aktlarla müəyyən edilmiş müddətdə aidiyyatı məhkəmələrə vaxtında göndərilməsini təmin etmək;
İcraatında olan işlər üzrə müvafiq məhkəmələrə və digər orqan və təşkilatlara göndərilən məktubların, ərizə və iddia ərizələrinin, şikayətlərin və digər sənədlərin tərtibinə və məzmununun qanunvericiliyə və Bankın maraqlarına tam olaraq uyğun olmasını təmin etmək;
Bankın iddia tələblərinin təmin edilməsini və Banka qarşı qaldırılmış iddia tələblərinin rədd edilməsini təmin etmək məqsədilə lazım olan bütün tədbirləri həyata keçirmək;
Qüvvədə olan qanunvericiliyə əsasən məhkəmə, hüquq-mühafizə, digər dövlət və qeyri dövlət orqanlarında Bankı təmsil etmək və Bankın mənafeyini müdafiə etmək;
İcraatına daxil olan məktub, müraciət, şikayət, etiraz və digər sənədləri araşdırmaq, lazımi sənədləri toplamaq, tapşırılan müddətdə onlarla bağlı lazımi cavabları hazırlamaq və digər müvafiq tədbirləri görmək;
Bankın pozulmuş və ya mübahisəli hüquqlarının bərpası üçün iddia ərizəsi (ərizə), bankın xeyrinə olmayan məhkəmə qərarlarından şikayət hazırlamaq və tələb olunan sənədlərlə (materiallarla) birlikdə müvafiq məhkəməyə təqdim etmək, habelə Banka vurulmuş zərərin ödənilməsi üçün zəruri hüquqi tədbirləri görmək;
Məhkəmə qərarlarının (qətnamə, qərar və s.) müəyyən edilmiş vaxtda alınmasını təmin etmək;
İcraatında olan işlərin vəziyyətinə dair Şöbə Müdirinə hesabat vermək;
Şöbənin işinin təkmilləşdirilməsi məqsədilə Şöbə Müdirinə müvafiq təkliflər vermək;
Vəzifə öhdəlikləri və səlahiyyətlərinin çərçivəsindən çıxmamaq şərtilə, fəaliyyətini mövcud Əsasnaməyə, bankdaxili prosedur və qaydalara, Azərbaycan Respublikasının bu sahədə mövcud qüvvədə olan qanunvericiliyinə uyğun həyata keçirmək.

Tələblər

Hüquq sahəsi üzrə ali bakalavr təhsili;
Ən azı 1 il hüquq sahəsində iş təcrübəsi;
Qanunvericilik üzrə (mülki, əmək, əmlak, ipoteka, qiymətli kağızlar, vergi və s.) biliklər;
Müqavilə hüququ üzrə nəzəri və praktiki biliklər;
Məhkəmə işləri üzrə təcrübə;
“E-qanun”, “e-mehkeme” və ya digər hüquqi verilənlər bazalarını istifadə etmək, o cümlədən müxtəlif dövlət orqanlarının onlayn sistemləri ilə işləmək bacarığı;
Elektron poçt, video-konfrans və digər onlayn alətlərdən (Zoom, Microsoft Teams, Google Meet) istifadə etmək bacarığı;
Elektron sənədlərlə işləmə bacarığı;
Ofis proqramlarında sərbəst işləmək bacarığı;
Azərbaycan dilində səlis oxuma və yazma bacarığı;
İngilis və Rus dilləri üzrə biliklər üstünlükdür;
Məntiqi düşünmə və tənqidi analiz qabiliyyəti;
Dəqiq və diqqətli araşdırma bacarığı;
Problem həll etmə və planlama bacarığı;
Effektiv ünsiyyət bacarığı;
Komandada işləmə və əməkdaşlıq bacarığı;
Məsuliyyət, dürüstlük, çeviklik, nəticəyönümlülük və təşəbbüskarlıq.