Korporativ hüquqşunas

Şirkət: “Zəfər Bağları” MMC

Vakansiya: Korporativ hüquqşunas

Şirkət haqqında detallı məlumatla www.afigroup.az saytı vasitəsilə tanış ola bilərsiniz.

Namizədə dair tələblər:

Texniki bacarıqlar

·     Dil bilikləri: Azərbaycan dili (əla), İngilis dili (yaxşı), Rus dili (arzuolunandır)

·     Azərbaycan Respublikasının normativ-hüquqi aktlarını, habelə mülki, mülki-prosessual, əmək, vergi və inzibati hüququnun əsaslarını bilməli

·     Müqavilələrin bağlanmasını tənzimləyən normativ hüquqi aktları bilməli

Yumşaq bacarıqlar

·    Komanda ilə işləmək bacarığı

·    Təşəbbüskarlıq, operativlik, prioritetləri düzgün müəyyənləşdirmək

·    Analizetmə qabiliyyəti

·    Nəticəyönümlü olmaq

·    Güclü yazılı və şifahi ünsiyyət bacarıqları

Xüsusi tələblər:

·     Hüquq sahəsi üzrə ali təhsil

·     İş təcrübəsi: Müvafiq sahə üzrə minimum 3 il

Əsas vəzifə öhdəlikləri:

·       Təşkilatdaxili bütün sənədləşmə işlərinə hüquqi rəylərin verilməsinin, əməliyyatların və proseslərin qanunvericiliyin tələblərinə uyğunluğunun təmin edilməsi

·       Müəssisənin satınalma, satış, xidmətlərin göstərilməsi, agentlik, tikinti və digər müqavilələrdə o cümlədən beynəlxalq müqavilə və sazişlərin hüquqi ekspertizasının aparılması, rəy və təkliflərin verilməsi

·       Hüquqi sənədləşmənin sistemləşdirilməsi və uçotunun aparılması

·       Hüquqi məsələlərlə bağlı dövlət qurumlarında, məhkəmələrdə, ictimai təşkilatlar və digər üçüncü şəxslər qarşısında Cəmiyyəti təmsil etmək, Cəmiyyət adından sənədlərin hazırlanması və təqdim edilməsini həyata keçirmək

·       Qanunvericilikdə baş verən dəyişikliklərlə bağlı daxili normativ sənədlərin dəyişdirilməsini, həmin sənədlərin hüquqi qüvvəsinin mövcud vəziyyəti ilə bağlı təkliflər vermək

·       Bütün struktur bölmələrə hüquqi yardım etmək, onlardan daxil olmuş hüquqi sorğulara rəy və izahatlar vermək

·       Korporativ hüquq fəaliyyəti ilə bağlı olan təlimat, qayda və iş prosedurların layihəsini və bu normativ sənədlərin təkmilləşdirilməsi ilə bağlı təkliflər hazırlamaq, aidiyyatı struktur bölmələrlə razılaşdırmaq

·       Nizamnamə və idarəetmə orqanlarının əsasnamələrinin, bu sənədlərə əlavə və dəyişikliklərin hazırlanmasını həyata kecirmək, onların müvafiq dövlət orqanlarında qeydiyyata alınmasını təmin etmək

İş şərtləri:

·    İş saatı: 09:00-18:00 (Bazar ertəsi-Cümə)

·    Nahar şirkət tərəfindən təmin edilir

·    İş yeri: Ağdam rayonu

·    Xankəndi şəhərində yaşayış yeri təminatı

·    Əmək haqqı ştat cədvəlinə uyğun olaraq

Qeyd: Yalnız vakansiyaya uyğun namizədlərlə əlaqə saxlanılacaqdır.